چین نے بھارتی ریاست سکم میں فائیو جی سسٹم کھڑا کردیا

اسلام آباد(نیوز ڈیسک) چین نے بھارتی ریاست سکم میں فائیو جی سسٹم کھڑا کردیا، فائیو جی سسٹم سے بھارت سمیت دنیا حیران ہوگئی، فائیو جی سسٹم سکم کے آس پاس ان علاقوں میں کھڑا کیا گیا ، جہاں فوج کی جھڑپیں ہورہی ہیں۔ جس طرح بھارت پاکستان کا دشمن ہے اسی طرح چین کا بھی دشمن ہے۔

سینئر تجزیہ کار ڈاکٹر شاہد مسعود نے کہا ہے کہ چین نے سکم کے آس پاس نیپال ، لداخ جہاں جھڑپیں ہورہی ہیں، وہاں چین نے اپنا فائیوجی سسٹم کھڑا کر دیا ہے۔ فائیوجی سسٹم کھڑا کرکے دنیا کو حیران کردیا ہے۔ یہ ففتھ جنریشن سسٹم ٹیلیفونز، انٹرنیٹ نظام ہے۔ اس کا مظاہرہ چند مہینے قبل ووہان میں کیا گیا تھا کہ روبوٹ لوگوں کے ماسک چیک کررہے تھے، اور ٹمپریچر چیک کررہے تھے، چین اس کا عملاً مظاہرہ کرچکا ہے۔ پہلا سسٹم زیروجی تھا، موبائل فون پہلے آگیا تھا، اس کو میں زیروجی کہتا ہوں، یہ ٹیکسی میں ہوتا تھا، ایک ڈرائیور دوسرے ٹیکسی ڈرائیور سے بات کرتا تھا۔ سیل فون میں انٹرنیٹ کی ضرورت ہوتی ہے۔ لیکن موبائل فون میں انٹرنیٹ کی ضرورت نہیں ہوتی۔ سینئر تجزیہ کار ڈاکٹر شاہد مسعود نے تبصرہ کرتے ہوئے کہا تھا کہ سکم بھارت کی وہ ریاست ہے جو1975ء میں قائم ہوئی، اس سے پہلے یہ بھارتی ریاست نہیں تھی۔ چین کہتا ہے کہ سکم ان کا حصہ ہے، تبت، تائیوان، نیپال بھی چین کے پاس ہے، چین نیپال کو بھی اپنا حصہ مانتا ہے۔ اب سکم میں چین اور بھارت کے درمیان لڑائی جارہی ہے، یہ ایک چھوٹی سی پٹی ہے۔ اس پٹی کے ساتھ بھارت کی وہ ریاستیں ہیں جہاں علیحدگی کی تحریکیں چل رہی ہیں۔

سکم میں چین اور بھارت کی لڑائی میں پاکستان اور امریکا کا کوئی ہاتھ نہیں ہے، یہ ان دونوں ممالک کا آپس کا معاملہ ہے۔ سکم ایسا علاقہ ہے جو بھارت کے دو حصوں کو آپس میں ملاتا ہے۔ اگر چین نے سکم پر قبضہ کرلیا تو وہ ریاستیں جہاں علیحدگی کی تحریکیں چل رہی ہیں، وہ بھی بھارت سے الگ ہوجائیں گی۔ انہوں نے کہا کہ بھارت کو سمجھ لینا چاہیے وہ پاکستان کو توڑنے کی بات کرتا ہے۔ لیکن بھارت تو پہلے ہی ٹوٹا ہوا ہے۔ انہوں نے کہا کہ اگر بھارت نے سی پیک میں رکاوٹ ڈالنے کی کوشش کی تو چین سکم پر چڑھائی کر دے گا۔ جس سے بھارت کی7 ریاستیں بھی علیحدہ ہوجائیں گی۔ دوسری جانب اسپیکر قومی اسمبلی کی دوسری کرونا ٹیسٹ رپورٹ سامنے آگئی، اسد قیصر مہلک وبا کو شکست دینے میں کامیاب ہوگئے، رپورٹ منفی آگئی، بچوں کی رپورٹ کل آئے گی۔ تفصیلات کے مطابق کرونا وائرس کا شکار ہو جانے والے اسپیکر قومی اسمبلی اسد قیصر کی جانب سے ٹوئٹر پر جاری کیے گئے پیغام میں بتایا گیا ہے کہ ان کی جانب سے کروائے گئے دوسرے ٹیسٹ کی رپورٹ آ گئی ہے اسد قیصر کا کہنا ہے کہ “الحمداللہ ، میرے کورونا وائرس ٹیسٹ کی رپورٹ منفی آگئی ہے۔میرے بچوں کی رپورٹ کل تک آجائے گی۔ اللہ تعالی سے دعا ہے کہ ان کو مکمل صحت عطا فرما۔

Sharing is caring!

Comments are closed.