Forecasts News Get latest updates at Forecasts News
Related Articles
نئی دہلی بھارت میں پڑھائی نہ کرنے پر والدین نے اپنے بیٹے کو ڈانٹ ڈپٹ کی جس پر لڑکے نے ایسا کام کرڈالا کہ والدین کو لینے کے دینے پڑ گئے۔ انڈیا ٹائمز کے مطابق اس 14سالہ لڑکے کی جب ماں باپ نے سرزنش کی تو اس نے ’غصے میں آ کر‘ گھرسے ڈیڑھ لاکھ روپے چوری کیے اور سیرسپاٹے کے لیے معروف سیاحتی شہر ’گووا‘ چلا گیا اور وہاں کلبوں میں داد عیش دیتا رہا۔
رپورٹ کے مطابق اس لڑکے کا تعلق بھارتی ریاست گجرات کے شہر ویدودرا سے تھا۔ اس کے گووا جانے کے بعد والدین نے اس کی گمشدگی کی رپورٹ درج کروا دی۔ جب پولیس نے اس کی تلاش شروع کی تو پتا چلا کہ اس نے ویدودرا سے گووا کی بس پکڑی تھی۔ پولیس نے لڑکے کا موبائل فون ٹریس کیا تو اس کی لوکیشن گووا کی آرہی تھی۔ بالآخر پولیس اسے گووا سے پکڑنے میں کامیاب ہو گئی اور واپس لا کر ماں باپ کے حوالے کر دیا۔
