Breaking News
Home / کھیل / ’ڈمی کپتان نہیں بنوں گا۔۔۔!!!‘کپتان بابر اعظم اور چیف سلیکٹر محمد وسیم میں اختلافات سامنے آگئے

’ڈمی کپتان نہیں بنوں گا۔۔۔!!!‘کپتان بابر اعظم اور چیف سلیکٹر محمد وسیم میں اختلافات سامنے آگئے

لاہور (ویب ڈیسک ) پاکستان کرکٹ ٹیم کے کپتان بابر اعظم نے پاکستانی کرکٹ ٹیم کے چیف سلیکٹر محمد وسیم کی طرف سے دورہ زمبابوے اور جنوبی افریقہ کے لیے منتخب کیے گئے کھلاڑیوں پر تحفظات کا اظہار کیا ہے۔دنیا نیوز کے مطابق دورہ جنوبی افریقہ اور زمبابوے کے لیے چیف سلیکٹر محمد وسیم کی جانب سے ٹیم کے اعلان کے بعد کپتان بابر اعظم نے شدید تحفظات کا اظہار کیا ہے ۔سلیکشن کمیٹی کی جانب سے جن کھلاڑیوں کو ٹیم میں شامل کیا گیا ہے اس پر بابر اعظم نے تحفظات کا اظہار کرتے ہوئے واضح کیا ہے کہ میں ڈمی کپتان نہیں بنوں گا ، اگر مجھے کپتانی کی ذمہ داری دی گئی ہے تو کھلاڑیوں کو پک کرنے کی بھی اجازت ملنی چاہیے۔

رپورٹ کے مطابق بابر اعظم چاہتے ہیں کہ ون ڈے سکواڈ میں آل راونڈر حارث سہیل کو شامل کیا جائے لیکن ٹیم سلیکشن کمیٹی نے ان کی اس رائے کو مسترد کر دیا۔ بابر اعظم نے ٹیسٹ سکواڈ میں یاسر شاہ کو شامل نہ کیے جانے پر بھی تحفظات کا اظہار کیا ہے، چیف سلیکٹر محمد وسیم کے ساتھ ملاقات کے دوران انہوں نے یاسر شاہ کو ٹیم میں شامل کیے جانے پر زور دیا تھا۔قومی ٹیم کے کپتان بابر اعظم نے چیف سلیکٹر محمد وسیم سے متعدد بار رابطہ کیا تاہم ان سے رابطہ نہ ہو سکا اور ٹیم کا اعلان کر دیا گیا۔

Share

About admin

Check Also

جوتا پاؤں سے اتر کر وکٹوں پر جا لگا،بیٹسمین ہٹ وکٹ آؤٹ

پالے کیلی(ویب ڈیسک)سری لنکا کے خلاف دوسرے ٹیسٹ میں بنگلادیشی بیٹسمین تیج الاسلام کو ڈھیلے …

Leave a Reply

Your email address will not be published. Required fields are marked *

Powered by themekiller.com