Home / انٹرٹینمنٹ / مفتی صاحب نے کہا پہلے مجھے خوش کروپھر پاس کرونگا متاثرہ طالبعلم کے تہلکہ خیز انکشافات، مقدمہ درج کروادیا

مفتی صاحب نے کہا پہلے مجھے خوش کروپھر پاس کرونگا متاثرہ طالبعلم کے تہلکہ خیز انکشافات، مقدمہ درج کروادیا

لاہور کے مدرسے میں طالب علم کے ساتھ پیش آنے والے واقعے کے بعد مدرسے کے استاد مفتی عزیز الرحمن اور ان کے بیٹوں کے خلاف مقدمہ درج کر لیا گیا۔پولیس کے مطابق مقدمہ طالب علم صابر شاہ کی مدعیت میں مفتی عزیز الرحمن ،ان کے بیٹوں اور دو نامعلوم افراد کے خلاف درج کیا گیا ہے۔مقدمے میں مفتی عزیز الرحمن اور ان کے بیٹوں الطاف الرحمن، عتیق الرحمن، لطیف الرحمن اور عبداللہ کو نامزد کیا گیا ہے۔پولیس کے مطابق مقدمے کے متن میں طالب علم صابر شاہ نے کہا کہ مدرسے کے استاد مفتی عزیز الرحمن نے مجھے

کہا تھا کہ تم نے اپنی جگہ کسی اور کو امتحان میں بٹھایا تم امتحان نہیں دے سکتے۔مفتی صاحب نے کہا مجھے خوش کرو پھر کچھ سوچ سکتا ہوں۔مفتی صاحب تین سال مجھے نشانہ بناتے رہے لیکن پاس نہ کیا۔ دریں اثنا جمعیت علما اسلام (ف )کے رہنما مفتی عزیز الرحمان کی نامناسب ویڈیو سامنے آنے کے بعدپارٹی رکنیت معطل کردی گئی ہے۔ جے یو آئی لاہور کے سیکرٹری جنرل نے کہا ہے کہ مفتی عزیز الرحمان کی ویڈیو وائرل ہونے کے بعد ان کیخلاف ایکشن لیتے ہوئے ان کی پارٹی رکنیت معطل کر دی گئی ہے ۔ دوسری جانب مفتی عزیز الرحمان نے نامناسب ویڈیو وائرل ہونے کے بعد اپنا ردعمل دے دیا ہے ۔ انکا کہنا تھا کہ ڈیڑھ سال قبل مجھے ان ویڈیوز کے بارے میں بتایا گیا اور کہا تھا کہ آپ اپنا ردعمل دیں لیکن میں چونکہ پاک دامن تھا اس لیے کسی ردعمل کے دینے سے انکار کر دیا تھا ۔ انکا کہنا تھا کہ میں نے ویڈیوز نہیں دیکھی تھیں اور نہ ہی ان کے بارے میں کچھ جاننا چاہتا تھا کیونکہ میں پاک دامن تھا لہذا مجھے کسی چیز کا کوئی ڈر نہیں تھا ، مفتی کا کہنا تھا کہ مجھے ایک معروف ٹی وی چینل سے ایک صحافی نے ویڈیوز کے بارے میں بتایا اور مدرسہ چھورنے کی دھمکی لیکن میں نے صاف انکار کر دیا پھر یہ ویڈیوز میرے بیٹے کو دکھائی گئیں لیکن اس نے مجھے نہیں بتایا کیونکہ میں دل کا مریض ہوں لیکن اب یہ معاملہ جب سوشل میڈیا کی زینت بنا تواب میں ان کے بارے میں حقیقت بیان کر سکتا ہوں ۔ انکا کہنا تھا کہ میں پچھلے پچیس سالوں سے جامعہ اسلامیہ میں تدریس کر رہا ہوں ، اس مدرسے کے مہتمم اول مولانا پیر سیف اللہ خالد نقشبندی کا مجھ پر مکمل اعتماد تھا۔ان کی وفات کے بعد مدرسے کا انتظام ان کے صاحبزادوں اسد اللہ فاروق اور خلیل اللہ ابراہیم حوالے کیا گیا،دونوں میرے شاگرد ہیں لیکن بدقسمتی سے دونوں حضرات انتظام سنبھالنے کے بعد روز اول سے مجھ سے انتہائی طور پر خائف تھے کہ کہیں مفتی مدرسے پر قبضہ نہ کر لیں۔مفتی عزیز الرحمان کا کہنا تھا میرے پاس عہدے اور علاقے کا اعتمادان کی آنکھوں میں کھٹکتا ہے، انہوں نے میرے خلاف کئی پراپیگنڈے کیے لیکن میں نے مدرسہ چھوڑنے سے انکار تھا، میں حلفاً کہتا ہوں کہ گذشتہ چار سال میں ایسا کوئی اقدام نہیں اٹھایا۔گذشتہ رمضان کچھ لوگوں نے مدرسہ کی گرتی ہوئی صورتحال پر تشویش کا اظہار کیا اور مجھے عملی قدم اٹھانے کا کہا گیا جس کے بعدان لوگوں نے صابر شاہ نامی نوجوان میرے خلاف استعمال کیا ۔ان کا کہنا تھا کہ یہ ویڈیو اڑھائی سال پرانی ہے ،حلفاً کہتا ہوں کہ اپنے ہوش و حواس میں ایسی کوئی غلیظ حرکت نہیں کی یہ ویڈیو بنانے سے قبل مجھے چائے میں کوئی نشہ آور چیز ملا کر پلائی گئی جس کے بعد میں اپنے ہوش میں نہیں رہا اس کے بعد یہ ویڈیو بنائی گئی ہے ۔

Share

About admin

Check Also

سوشل میڈیا پر وائرل ہونے والی یہ لڑکی کون ہے جو راتوں رات مشہور ہوگئی؟

بلاشبہ پاکستان میں ٹیلینٹ کی کوئی کمی نہیں ہے، ایک سے ایک ابھرتے اور باصلاحیت …

Leave a Reply

Your email address will not be published. Required fields are marked *

Powered by themekiller.com