Home / آرٹیکلز / ’’ آئیں اور ملک بھاگ دوڑ سنبھالیں‘‘ شاہد آفریدی کو سیاست میں آنے کا مشورہ

’’ آئیں اور ملک بھاگ دوڑ سنبھالیں‘‘ شاہد آفریدی کو سیاست میں آنے کا مشورہ

اسلام آباد(نیوز ڈیسک) قبل ازیں بھی یہ خبریں آتی رہی ہیں کہ پاکستان کرکٹ ٹیم کے سابق کپتان اور نامور آل راؤنڈر شاہد آفریدی سیاست میں آنے کا ارادہ رکھتے ہیں۔ جب کہ اب سے قبل وہ سابق وزیر اعظم نواز شریف اور موجودہ وزیر اعظم عمران خاں سے بھی ملاقات کر چکے ہیں۔

اب اورقومی ٹیم کے سابق کپتان یونس خان اور راشد لطیف نے شاہد آفریدی کو سیاست میں آنے کا مشورہ دیتے ہوئے کہا کہ سیاست کو آفریدی کی ضرورت ہے۔ قومی ٹیم کے سابق کپتان اور اسٹار آل رانڈر شاہد آفریدی انٹرنیشنل کرکٹ سے ریٹائرمنٹ کے بعد صرف لیگ میچز کھیلنے میں مصروف ہیں۔ اور اس کے علاوہ وہ سماجی کاموں میں بڑھ چڑھ کر حصہ لے رہے ہیں جس کے لئے انہوں نے اپنی این جی او کو پورے پاکستان میں متحرک کررکھا ہے۔گزشتہ روز قومی ٹیم کے سابق کپتان یونس خان اور راشد لطیف نے ایک نجی ٹی وی چینل میں شرکت کی جہاں میزبان نے انہیں بڑی اسکرین پر شاہد آفریدی کی تصویر دکھائی اور کہا کہ آپ دونوں آفریدی کو کیا مشورہ دینا چاہیں گے۔ راشد لطیف نے کہا کہ یہ جو کام کررہے ہیں وہ بہت زبردست ہے بس ایسے ہی یہ کام جاری رکھیں اور جیسے بیٹنگ دلیری سے کی ہے ویسے فلاحی کام بھی دلیری سے کریں جب کہ انہیں سیاست میں ضرور آنا چاہئے کیوں کہ سیاست میں شاہد آفریدی کی بہت ضرورت ہے اور انہیں اپنی جماعت بناکر خیبرپختونخوا سے الیکشن لڑنا چاہئے یہ وہاں سے کلین سوئپ کرلیں گے۔ یونس خان نے بھی راشد لطیف کی بات کی تائید کرتے ہوئے کہا میں بھی سیاست میں شاہد آفریدی کا بھرپور ساتھ دوں گا اور ان کی جماعت میں شامل ہوں گا جب کہ اللہ انہیں اور ترقی دے اور چونکہ ان کی عمر اب زیادہ ہوگئی ہے لہٰذا زندگی میں سوچ سمجھ کر فیصلے لیں۔

Share

About admin

Check Also

کمال کے ڈا کو

اسلام آباد(نیوز ڈیسک) ایک زمانہ تھا ڈا کو بھی آعلیٰ ظرف ہوا کرتے تھے۔ایک مارننگ …

Leave a Reply

Your email address will not be published. Required fields are marked *

Powered by themekiller.com