Breaking News
Home / موسم / بارشوں کے اسپیل میں شدت آگئی

بارشوں کے اسپیل میں شدت آگئی

اسلام آباد(نیوز ڈیسک) عوام تیار ہو جائیں محکمہ موسمیات نے بڑا الرٹ جاری کر دیا۔ صوبہ پنجاب میں بارشوں کے اسپیل میں شدت آ گئی، جس کے باعث سیلاب کا خدشہ ظاہر کر دیا گیا۔ محکمہ موسمیات کے مطابق آ ج سے ملک کے شمالی حصوں میں مون سون کی شدت میں اضافہ دیکھا جائے گا۔

اور 10جولائی سے 14جولائی تک پنجاب کے بیشتر اضلاع میں دن اور رات کے اوقات میں گرج چمک کے ساتھ بارشوں کا سلسلہ جاری رہے گا۔ بتایا گیا ہے کہ پنجاب کے اضلاع راولپنڈی، اٹک، چکوال، جہلم ، گجرات، منڈی بہاوالدین، سیالکوٹ، گجرانوالہ ، حافظ آباد اور لاہور سمیت شیخوپورہ ، قصور، اوکاڑہ ، فیصل آ باد، جھنگ ، ٹوبہ ٹیک سنگھ ، خوشاب ، سرگودہا ، میانوالی ، بھکر اور لیہ میں 10 سے 14 جولائی تک تیز بارشوں کا امکان ہے۔ پنجاب ڈیزاسٹر مینجمنٹ اتھارٹی کے ترجمان نے کہا ہے کہ مون سون بارشیں پہاڑی علاقوں میں سیلابی ریلوں اور لینڈ سلائیڈنگ کا سبب بن سکتیں ہیں جب کہ لاہور، راولپنڈی، گجرانوالہ اور فیصل آ باد میں 12سے 14جولائی کے دوران تیز بارش کے سبب شہری سیلاب کے خطرات ہیں ، تمام متعلقہ اداروں کو الرٹ رہنے اور حفاظتی انتظامات کی ہدایات جاری کی جا چکی ہیں جب کہ عوام وہ بارش کے دوران گھر وں کے اندر اور باہر احتیاط برتیں ، برقی تنصیبات اور خستہ حال عمارات سے مناسب فاصلہ رکھیں۔ یا د رہے کہ گزشتہ دنوں کے دوران اسلام آباد، پنجاب، بالائی خیبر پختونخوا، شمال مشرقی بلوچستان، کشمیر اور گلگت بلتستان میں تیز ہواؤں اور گرج چمک کے ساتھ بارش ہوئی جب کہ گزشتہ سال کراچی اور صوبہ سندھ میں مون سون کی ریکارڈ بارشیں ہوئی تھیں لیکن لاہور اور پنجاب میں مون سون سیزن کے دوران ہونے والی بارشیں معمول سے کم رہی تھیں تاہم رواں سال مون سون سیزن کے دوران پنجاب میں بھی معمول سے زیادہ بارشیں ہونے کا امکان ہے۔

Share

About admin

Check Also

گرمی جانے کے دن آ گئےاب شہری سردی کا مزہ لیں محکمہ موسمیات نے پاکستانیوں کو ٹھنڈی ٹھار خوشخبری سنا دی

اسلام آباد(نیوز ڈیسک) گرمی کے ستائے ہوئے عوامی کے لئے ایک بہت ہی اچھی خبر …

Leave a Reply

Your email address will not be published. Required fields are marked *

Powered by themekiller.com